जेठ ३१ ,काठमाडौँ । किसानलाई समयमा नै रासायनिक मल उपलब्ध गराउन राष्ट्रिय स्वतन्त्र पार्टीले सरकारसँग माग गरेको छ । बिहीबार प्रतिनिधि सभा बैठकमा बोल्नुहुँदै पार्टीका प्रमुख सचेतक सन्तोष परियारले यस्तो माग गर्नुभएको हो ।
उहाँले सरकार मलको अभाव छैन भन्ने तर किसानले १० किलोभन्दा बढी मल नपाउने अवस्था रहेको बताउनुभयो । उहाँले भक्तपुरका कृषि उब्जनी हुने मध्यपुर ठिमी र बोडेलगायतका किसानहरुले १० किलोभन्दा बढी मल नपाएको बताउनुभयो ।
सांसद परियारले ‘‘सरकार मलको अभाव छैन भने पनि बजारमा मल नपाएको भन्दै सरकारले तत्काल मल समयमा किसानलाई उपलब्ध गराउन माग गर्नुभयो । उहाँले किसानहरुले कालोबजारीमार्फत मल किन्दा जति पनि पाइने अवस्था रहेको भन्दै सरकारको गम्भिर ध्यानाकर्षण गराउनुभयो ।
उहाँले कृषि उत्पादन बढाउनका लागि समयमा नै किसानलाई मलको व्यवस्थापन गर्न आवश्यक रहेको बताउनुभयो ।
