मङ्सिर १४,गैडाकोट । श्री विनायक कृषि सहकारी संस्था लिमिटेड गैंडाकोटका निर्विरोध निर्वाचित पदाधिकारी तथा सदस्यहरुलाई सपथ ग्रहण तथा पदस्थापन गरिएको छ ।
संस्थाको १५ औं बार्षिक साधारण सभा तथा छैटौं नेतृत्व चयनबाट निर्विरोध निर्वाचित पदाधिकारी तथा सदस्यहरुलाई नमुना शिवनगर खानेपानीको सभाहल गैंडाकोट वडा नम्बर ६ मा बिहिवार आयोजित कार्यक्रममा सपथ ग्रहण तथा पदस्थापन गरिएको हो ।
यहि मङ्सिर ८ गते सम्पन्न समूहको १५ औं साधारण सभा पछि नेतृत्व चयन हुने पदाधिकारी तथा सदस्यहरुकालागि निर्वाचन समितिले सबैको मनो भावना बुझेर , सबै संगआपसी छलफल गरेर सर्व सम्मत रुपमा टुंग्याएको हो । समूहको विधान अनुसार निर्वाचन समितिले पाँच जना पदाधिकारी , लेखा समिति संयोजक सहित दुइ सदस्य र ८ कार्यसमिति सदस्यहरु चयन गरेको हो ।
संस्थाको आगामी ४ बर्षे कार्यकालका लागि समूहको अध्यक्षमा तिलक प्रसाद कंडेल, उपाध्यक्षमा टिकाराम सुवेदी, सचिवमा लक्ष्मीदत्त सापकोटा(लिला), कोषाध्यक्षमा तेजेन्द्र चालिसे सहसचिवमा वालकृष्ण चापागाई तथा कार्यसमिति सदस्यमा गोविन्द प्रसाद सापकोटा, दुर्गा दासी कंडेल लामिछाने, छविलाल सापकोटा, वावुराम रिजाल ,जियनराम महतो, शालिकराम सापकोटा ,गिता न्युरे सापकोटा, कमला शर्मा कंडेल चयन भएका हुन् ।
यस्तै संस्थाको लेखा संयोजकमा हरि प्रसाद सापकोटा तथा सदस्यहरुमा रामप्रसाद पौडेल र सरिता घिमिरे सापकोटा चयन भएका हुन् ।
नवनिर्वाचित पदाधिकारी,सदस्य तथा लेखा समितिलाई निर्वाचन समितिको संयोजक नवराज सापकोटाले पद तथा गोपनियताको सपथ ग्रहण गराउनुका साथै निर्वाचित भएको प्रमाण पत्र समेत प्रदान गर्नुभएको थियो ।
पदाधिकारी तथा सदस्य चयन प्रक्रियाका लागि सापकोटाको संयोजकत्वमा यमुनाथ आचार्य र ठाकुर प्रसाद सापकोटा सदस्य रहेको निर्वाचन समिति गठन गरिएको थियो ।
कार्यक्रममा आफ्रनो मन्तब्य राख्दै निर्विरोध निर्वाचित अध्यक्ष तिलक प्रसाद कंडेलले म एक्लैले मात्र काम गरेको होइन सबै सदस्यहरुको सहयोग बाट नै यो सस्था यो स्थान सम्म आएको बताउनु भयो । अध्यक्ष कंडेलले प्रगति प्रतिबेदनका खाका ,भाबी कार्यक्रमका योजनाहरुलाई लक्ष्य पुरा गर्न सबैको साथ र सहयोग अपरिहार्य रहेको बताउनु भयो ।
निर्वाचन समितिको संयोजक तथा कार्यक्रमका अध्यक्ष नवराज सापकोटाको अध्यक्षतामा भएको कार्यक्रमको सहजिकरण निर्वाचन समिति सदस्य यमुनाथ आचार्यले गर्नुभएको थियो ।
