गैंडाकोट । नवलपुरमा १७ वर्षमुनिका पुरुष फुटबल खेलाडीहरुको छनौट कार्यक्रम सम्पन्न भएको छ। नवलपुर जिल्ला फुटबल संघको आयोजनामा शनिबार कावासोतीस्थित राम मन्दिर फुटबल मैदानमा सो कार्यक्रम भएको हो ।
नवलपुर खेलकुद विकास समितिका अध्यक्ष शेबहादुर पुनले यो कार्यक्रमको उद्देश्य नेपालका १७ वर्षमुनिका उत्कृष्ट युवा फुटबल प्रतिभाहरुलाई छनोट गरी राष्ट्रिय स्तरको टोली निर्माण गर्नु भएको बताउनु भयो ।
जिल्ला भरका १०० भन्दा बढी खेलाडी मध्येबाट १४ जना उत्कृष्ट खेलाडी छनौट गरिएको नवलपुर जिल्ला फुटबल संघका महासचिव लक्ष्मण कार्कीले जानकारी दिनु भयो । छनौट भएका खेलाडीहरूलाई अब प्रदेश स्तरीय छनौटमा सहभागी गराइनेछ र तिनीहरूलाई आगामी SAFF U-17 प्रतियोगिताका लागि तयारी गराइने महासचिव कार्कीले बताउनु भयो ।
गैडाकोट खेलकुद समिती वाट पुष्पराज र खुमराज थापा मगर दुइ जना खेलाडी छनौट हुन सफल भएका छन् ।
छनौट कार्यक्रममा हरि थापा, हेमशंकर देवकोटा, अर्चना कुमाल, गौरव भक्त अधिकारी लगायत प्रदेश तथा जिल्ला खेलकुद समितिका पदाधिकारीहरूको उपस्थिति रहेको थियो। कार्यक्रमलाइ डाईमण्ड युथ सोसाईटीले सहयोग गरेको थियो ।
नवलपुर जिल्ला फुटबल संघका कार्यवाहक अध्यक्ष मेघराज पाण्डेको अध्यक्षतामा भएको कार्यक्रमको सहजिकरण महासचिव लक्ष्मण कार्कीले गर्नुभएको थियो ।
अखिल नेपाल फुटबल संघ (एन्फा) ले सन् २०२५ मा हुने SAFF U-17 Championship का लागि नेपाली राष्ट्रिय यु-१७ टोलीको तयारीस्वरूप देशव्यापी छनोट कार्यक्रम संचालन गरिरहेको छ।
