जेठ २२, गैंडाकोट (नबिन सुबेदी)। कालिका स्पोर्ट्स क्लब गैंडाकोटद्वारा सञ्चालित प्रथम खुल्ला वडा स्तरीय भलिबल प्रतियोगिताको उपाधि मुना बचत गैडाकोटले उचालेको छ ।
राष्ट्रको लागि खेलकुद स्वास्थ्यको लागि खेलकुद ,राष्ट्रिय गरिमा र सामाजिक रूपान्तरको लागि खेलकुद भन्ने मूल नाराका साथ कार्यक्रममा प्रमुख अतिथि गैडाकोट नगरपालिका वडा नम्बर ८ का वडा अध्यक्ष प्रेम सापकोटाले रेफ्रीलाई बल हस्तान्तर गरेर प्रतियोगिता सुरु भएको हो ।
सोमवार कालिका नमुना माबिको खेलमैदानमा भएको फाइनल खेलमा मुना बचत गैडाकोटले कालिका स्पोर्ट्स क्लबलाई ३–० सेटले हराउदै प्रथम स्थान हासिल गरेको हो । यो सँगै कालिका स्पोर्ट्स क्लबले द्वितिय स्थान हासिल गरेको छ ।
त्यस्तै तृतीय स्थान का लागि सोमवार भरतपुर ९ र कालुङ्गखोला बिच खेल भएको थियो । कालुङ्गखोला लाई २–० सेटले हराउँदै भरतपुर ९ ले तेस्रो स्थान सुरक्षित गरेको हो । हार सँगै कालुङ्गखोलाले सान्त्वना स्थान हासिल गरेको छ ।
प्रतियोगिताका विजेता, उपविजेता, तेस्रो र सान्त्वना हुने टिमलाई क्रमशः रु पैतिस हजार , बिस हजार , दश हजार र पाँच हजार नगद पुरस्कार सहित ट्रफी, मेडलका साथमा प्रमाणपत्र प्रदान गरिएको छ ।
प्रतियोगितामा मन्तव्य राख्दै प्रमुख अतिथि प्रेम सापकोटाले रात्रिकालिन भलिबल प्रतियोगिता गरेकोमा आयोजकलाई धन्यबाद दिदै आफ्रना स्थानिय युवाहरुले गरेको कार्यक्रममा स्थानिय निकायको पुर्ण साथ र सहयोग रहने बताउनु भयो । उहाँले यस्तै किसिमको रात्रीकालिन ब्याडमिन्टन प्रतियोगिता पनि छिट्टै सञ्चालन हुने बताउनु भयो ।
विजेता टिम तथा खेलाडीहरुलाई कार्यक्रमका प्रमुख अतिथि सापकोटाले पुरस्कार तथा प्रमाणपत्र वितरण गर्नु भएको थियो ।
यहि जेठ १७ देखि सञ्चालन भएको प्रथम खुल्ला वडा स्तरीय भलिबल प्रतियोगिता बागलुङ , चितवन र नवलपुर गरी जम्मा २२ वटा टिमको सहभागिता रहेको कार्यक्रम संयोजक कुसुम सुबेदीले जानकारी दिनुभयो ।
मुना बचत तथा ऋण सहकारी संस्था लिमीटेड गैडाकोटको मुख्य प्रायोजक रहेको प्रतियोगितामा गैडाकोट नगरपालिका वडा नम्बर ८ वडा कार्यालयको आर्थिक सहयोगमा रात्रिकालिन समयमा पनि भलिबल प्रतियोगिता भएको हो ।
कार्यक्रममा गैडाकोट नगरपालिकाका वडा नम्बर २ का वडाअध्यक्ष प्रकाश सापकोटा, ९ का वडाध्यक्ष धामनाथ सापकोटा, ५ का वडाध्यक्ष रत्न प्रसाद सापकोटा, वडा सदस्य खगेश्वर सापकोटा, हरि पौडेल , राष्ट्रिय रेफ्रि गजेन्द्र बन ,सहयोगि दाता, समाजसेबी ब्यक्तीत्व लगायत खेलाडी तथा खेलप्रेमीहरुको उल्लेख्य उपस्थिती रहेको थियो । नगर युवा सञ्जाल अध्यक्ष रोशन दर्लामि मगरले सहजिकरण गरेको कार्यक्रम कालिका स्पोर्ट्स क्लब गैंडाकोटका अध्यक्ष सुमन पौडेलको सभापतित्वमा सम्पन्न भएको हो ।
