जेठ ७ गैडाकोट । नवलपरासि पुर्व गैडाकोटमा सम्पन्न सातौ उपमेयर कप अन्तर विद्यालय छात्रा फुटबल प्रतियोगिताको उपाधि रत्नराज्य लक्ष्मी माबिले जितको छ ।
गैडाकोट नगरपालिका नगर खेलकुद विकास समितिकोे आयोजनामा गैडाकोट नगरपालिका वडा नं ११ भेडावारि खेलमैदानमा भएको फाईनल खेलमा अमरज्योति माबिलाई १ गोल गदै रत्नराज्य लक्ष्मी माबि बिजयी भएको छ । रत्नराज्य लक्ष्मी माबिको तर्फ बाट अप्सरा भुजेलले १ गोल गदै आफ्नो टिमलाई बिजयी गराएकी हुन् । खेलको प्लेयर अफ दि म्याच रत्नराज्य लक्ष्मी माबिकी अप्सरा भुजेल भएकी छन् । उपाधि बिजेता रत्नराज्य लक्ष्मी माबिले नगद ५१ हजार रुपैया, शिल्ड, मेडल र प्रमाणपत्र प्राप्त गरेको छ ।
उप बिजेता अमरज्योति माध्यमिक बिद्यालयले नगद ३५ हजार रुपैया, शिल्ड, मेडल र प्रमाणपत्र प्राप्त गरेको गैडाकोट नगरपालिका नगर खेलकुद विकास समितिका अध्यक्ष धामनाथ सापकोटाले बताउनु भयो ।
त्यसैगरी सान्त्वना स्थान हाँसिल गर्ने बिजय सामुदायिक शिक्षा सदन र बालज्योति आधारभुत बिद्यालयले नगद १७/१७ हजार रुपैँया प्राप्त गरेका छन् ।
त्यस्तै बेस्ट गोलकिपर रत्नराज्य लक्ष्मी माविकोअन्तरा भुजेल ,बेष्ट डिफेन्स प्रतीक्षा रेग्मी ,बेष्ट मिलफिल्डर रत्नराज्य लक्ष्मी माविको अनिता आलेमगर ,बेष्ट स्ट्राइकर रत्नराज्य माविको अप्सरा भुजेल र अमर ज्योति माविको रेनु शर्माले ८ गोल गर्दै सर्वाधिक गोलकर्ताको उपाधि जितेकी हुन् भने बेस्ट प्लेयर अमर ज्योति माविकि अन्जली भुसाल बनेकी हुन् ।
यस अघि समापन कार्यक्रममा प्रमुख अतिथि गैंडाकोट नगरपालिकाका नगरप्रमुख मदनभक्त अधिकारीले नगर खेलकुदले फुटबल खेलाएर छात्रहरूलाई पनि खेलमा उत्साहित गराउन जुन भूमिका खेलेको छ त्यो धेरै राम्रो रहेको बताउनुभयो ।
राष्ट्रको लागि खेल, स्वास्थ्यको लागि खेल भन्ने मूल नाराका साथ छात्राहरूको यस्तो किसिमको खेलबाट छात्राहरूको भविष्य पनि उज्ज्वल हुने नगरप्रमुख अधिकारीले बताउनु भयो । उहाँले लमजुङमा जुन राष्ट्रिय खेलाडी सावित्री भण्डारी साम्बाको नाममा चोक नामांकरण गरियो यसरी नै यहाँबाट फुटबल खेलेर राष्ट्रिय तथा अन्तर्राष्ट्रिय रुपमा चिनाउन सफल हुनु भयो भने नगरपालिकाको नाम पनि चिनिने भन्नु भयो ।
कार्यक्रममा बोल्दै गैंडाकोट नगरपालिका उपप्रमुख शान्ति कोइरालाले सबै ठाउँमा मिलाएर खेलकुद सञ्चालन गरेकोमा आयोजकलाई धन्यवाद दिनुभयो। पहिला पनि जसरी युवाहरुले खेलकुदमा प्राथमिकता पाउथे र छात्राहरूको खेलकुदलाई अलि वास्ता नहुने क्रमबाट माथि उठी पछिल्लो दिनमा छात्राहरुमा लगनशीलता, मितव्ययिता ,अनुशासित, मर्यादित सबै कारणले गर्दा छात्राहरूलाई अगाडि लैजानका लागि यस्तो खालको प्रतियोगिता हुन जरुरी रहेको बताउनुभयो।
गैंडाकोट नगर खेलकुद समितिका अध्यक्ष धामनाथ सापकोटाले जसरी हामीले गैंडाकोटका विभिन्न ठाउँमा खेलकुदका कार्यक्रमहरू गरेर भौगोलिक हिसाबले पनि खेल खेलाइरहेका छौ , आगामी दिनमा पनि खेलकुद सम्बन्धी विभिन्न कार्यक्रमहरू नगरपालिकाका विभिन्न ठाउँमा गर्दै जाने पनि बताउनु भयो ।
कार्यक्रममा गैडाकोट नगरपालिका प्रमुख प्रशासकीय अधिकृत झपेन्द्र खनाल , नवलपुर जिल्ला खेलकुद नवलपुर जिल्ला फुटबल सङ्घको अध्यक्ष सेतमान पुन ,नेपाली कांग्रेस गैंडाकोट नगर सभापति बद्री सापकोटाले शुभकामना मन्तब्य राख्नु भएको थियो ।
कार्यक्रममा वडा नम्बर ११ का वडाध्यक्ष गोविन्द सुवेदी, नगर खेलकुद विकास समिति सदस्य एवं प्रतियोगिताको संयोजक डीलकुमारी घिमिरे ,सुनगावा युवा क्लबका अध्यक्ष पूर्णकुमार श्रेष्ठ,फिफा रेफ्री लगायत सामाजिक व्यक्तित्व ,खेलप्रेमी व्यक्तित्वहरूको उपस्थिति रहेको थियो ।
गैंडाकोट गैंडाकोट नगर खेलकुद विकास समितिका उपाध्यक्ष लक्ष्मण कार्कीले स्वागत मन्तव्य राख्नु भएको कार्यक्रमको सहजीकरण नगर खेलकुद विकास समितिका सदस्य सचिव रामप्रसाद अधिकारीले गर्नुभएको थियो।
सुनगावा युवा क्लब स-आयोजक रहेको प्रतियोगितामा गैडाकोटमा रहेका सामुदायिक र संस्थागत गरि १९ वटा विद्यालयहरुले भाग लिएका थिए ।
