गैंडाकोट । गैंडाकोट खेलकुद समितिलाई खेलकुद सामाग्री प्राप्त भएको छ ।
सोमबार बुद्धिपूर्णिमाको दिन पारेर गैंडाकोट क्षेत्रीय रङ्गशालामा भएको कार्यक्रममा गैडाकोट खेलकुद समितिलाई खेलकुद सामग्रीहरु प्राप्त भएको हो ।
गैंडाकोट खेलकुद समितिले फुटबल प्रशिक्षण गरिरहेको छ त्यसै फुटबल प्रशिक्षणको लागि फुटबल प्रेमी तथा पूर्व फुटबल खेलाडी गैडाकोट ९ निवासी नरबहादुर पाण्डे तथा उहाँको धर्मपत्नीबाट प्राप्त खेलकुद सामग्री हस्तान्तरण गरिएको हो । खेलकुद सामग्री अन्तर्गत ३५ वटा फुटबल लगायत विभिन्न खेलकुद सामग्रीहरू रहेका छन ।
कार्यक्रमका प्रमुख अतिथि संस्थाका सल्लाहकार बाबुराम कुमालले प्राप्त खेलकुद सामग्री खेलकुद समितिलाई हस्तान्तरण गर्दै खेलकुद समितिको दर्ता गर्न निकै कठिनाइ भएको त्यो अवस्था र अहिलेको अवस्था निकै फरक रहेको बताउनुभयो ।
बुद्ध को हुनुहुन्छ, बुद्धले के गर्नुभयो, किन उहाँ बुद्ध हुनुभयो भन्ने बारेमा विद्यार्थी भाइबहिनीहरूलाई जानकारी गराइएको अध्यक्ष लक्ष्मण कार्कीले जानकारी दिनुभयो । बुद्ध भगवानलाई सम्झिँदै असल सक्षम फुटबल खेलाडी नगरपालिकाबाटै उत्पादन गर्ने उद्देश्यले कार्यक्रमको आयोजना गरिएको कार्कीले बताउनुभयो । सम्पूर्ण अभिभावकहरूले आफ्ना बाबु नानीहरूलाई कस्तो खालको प्रशिक्षण गराउन चाहनुहुन्छ त्यसको लागि गंैडाकोट खेलकुद समिति तयार रहेको अध्यक्ष कार्कीले बताउनुभयो ।
गैंडाकोट खेलकुद समितिमा फुट्सल कोट, रङ्गशाला ,कबर्ड हल, क्रिकेट प्राक्टिस जाली रहेको छ । कार्यक्रमको सहजीकरण नेपाल क्रिकेट संघ गण्डकी प्रदेश कोषाध्यक्ष प्रकाश पौडेलले गर्नुभएको थियो ।
