चैत ३१ चितवन (नबिनsसुबेदी)। नयाँ वर्ष २०८२ लाई स्वागत गर्दै फेन्सी ब्यवसायी संघ चितवनले आज साँस्कृतिक कार्यक्रम गर्ने भएको छ ।
कार्यक्रम आज साँझ ५ बजे पछि भरतपुरको सिएमटी होटलमा आयोजना हुदैछ । कार्यक्रममा मुख्य आकर्षणका रुपमा चर्चित गायक सुगम पोखरेल र उनको ब्याण्ड सहित सांगेतिक कार्यक्रम रहने छ भने साथमा चर्चित गायिका शान्तारानी परियार र चर्चित गायक अर्जुन सापकोटाको प्रस्तुती रहनेछ । त्यस्तै हाँस्य कलाकार प्रलाद बर्तौला लगायत स्थानीय कलाकारहरुको समेत वृहत प्रस्तुती रहने कार्यक्रम संयोजक बिपिन अर्यालले जानकारी दिनुभएको छ ।
ब्यवसायीको हक हितमा समर्पित संघले मनोरञ्जनको लागि ‘ फेन्सी नव वर्ष उत्सव २०८२ ’ नाम दिएको कार्यक्रमको भरतपुर महानगरपालकाका उप प्रमुख चित्रशेन अधिकारीले उद्घाटन गर्ने कार्यक्रम रहेको अध्यक्ष रामप्रसाद पौडेलले बताउनु भयो ।
संधै ब्यवसायीको रुपमा खटिएका ब्यवसायीहरु बीच सदभाव र रमाइलो गराउन पनि साँस्कृतिक उत्सवको आयोजना गरिएको फेन्सी ब्यवसायीका अध्यक्ष पौडेलले बताउनु भयो ।
‘ फेन्सी नव वर्ष उत्सव २०८२ कार्यक्रमलाइ भब्य र सब्य रुपमा सफल बनाउन सम्पूर्ण स्थानीय मिडियाहरु ( रेडियो ,टिभी ,अनलाइन र पत्र पत्रिका ) लगायत सामाजिक संजाल मार्फत सम्पूर्णलाई जानकारी दिएको प्रचार प्रसार संयोजक टंक सापकोटाले फास्ट खबर अनलाईनलाइ जानकारी गराउनु भयो ।
२०४५ सालमा स्थापना भएर २०७३ सालमा विधिवत दर्ता गरिएको संघले पहिलोपल्ट यस किसिमको कार्यक्रम आयोजना गर्न लागेको हो । फेन्सी ब्यवसायी संघ चितवन ,उद्योग वाणिज्य संघ चितवनको सबैभन्दा ठुलो वस्तुगत संघ हो । संघले नयाँ बर्ष २०८२ को क्यालेण्डर समेत प्रकाशित गरेको छ ।
उद्योग वाणिज्य संघ चितवन प्रवद्र्धक रहेको उत्सवको इभेन्ट पाट्नर दाताज इभेन्ट, हस्पिटालिटी पाट्नर सिएमटी होटल रहेको छ । कार्यक्रममा फेन्सी व्यवसायी सदस्य एवं सवै बस्तुगतका व्यवसायी साथै शुभेच्छुकहरुको उपस्थिती रहन फेन्सी व्यवसायी संघ चितवनले आग्रह गरेको छ ।
