मंसिर १३ गैँडाकोट । चर्चित कलाकार पल शाह आज गैँडाकोट आउने भएका छन् ।
नायक तथा मोडल शाह नवलपुरको गैँडाकोटमा जारी दोस्रो संस्करणको गण्डकी प्रदेश महोत्सव २०८१ मा आज बिहीबार आउन लागेका हुन् । महोत्सव मूल समिति संयोजक एवम् नेपाल उद्योग वाणिज्य महासंघ गण्डकी प्रदेशका अध्यक्ष अमृत भट्टचनकाअनुसार महोत्सवको समय थपिएसँगै आज पल शाहलाई महोत्सव परिसरमा ल्याउन लागिएको हो । कलाकार शाहले महोत्सवमा आफ्नो प्रस्तुती राख्ने भट्चनले जानकारी दिनुभयो ।
शाहसँगै आज महोत्सवमा अस्मिता मगर, रिना थापा मगर, सविता भुसाल, मञ्जु भट्टराई, विना धिताल, गंगा तामाङ, पुर्खे बा, प्रसान्त मगरलगायतका कलाकारहरु आउने भट्टचनले जानकारी दिनुभयो ।
महोत्सवमा हरेक दिन राष्ट्रिय तथा स्थानीय कलाकारहरुको प्रस्तुती रहेको भट्टचनले बताउनुभयो । नवलपुरलाई गण्डकी प्रदेशसँग जोड्नका लागि महोत्सवले ठूलो भूमिका खेल्ने भन्दै उहाँले नवलपुरको धार्मिक र पर्यटकीय सम्भावनाको खोजी र प्रवद्र्धन गर्न महोत्सव महत्वपूर्ण बताउनुभयो ।
