मङ्सिर ८ गैँडाकोट । परियार सेवा समाज नवलपुरद्वारा आयोजित खुला रक्तदान कार्यक्रममा ७५ युनिट रगत संकलन भएको छ ।
गैंडाकोटका मेयर मदनभक्त अधिकारीले ब्लड ब्याग रक्तदातालाई दिएसँगै सुरु भएको उक्त कार्यक्रममा नगर प्रमुख अधिकारीले आफ्नो मन्तव्य राख्दै स्थानीय संघ संस्थाले पछिल्लो समय रक्तदानमा देखाएको चासो निकै सराहनीय रहेको बताउँदै पालिकाभित्र कुनै पनि रक्तदान कार्यक्रम हरू आयोजना भएमा नगरले सक्दो सहयोग गर्ने बताएका छन् ।
उद्योग वाणिज्य संघ गण्डकी प्रदेश अध्यक्ष एवं नेपाली कांग्रेस क्षेत्र नं १ का सभापति अमृत भट्टचन, सेवा समितिका केन्द्रीय सदस्यहरु रुपेशकुमार नेपाली, प्रेमबहादुर परियार विशेष अतिथि रहेको रक्तदान कार्यक्रममा समाजका प्रदेश सदस्य विकास परियार, गैंडाकोट २ का वडाध्यक्ष प्रकाश सापकोटा, वडा सदस्य साकिला परियार, रत्नप्रसाद सापकोटा, लगायत अतिथि रहेका थिए ।
