काठमाडौं । चलचित्र ‘पूर्ण बहादुरको सारङ्गी’ देशका केही सिनेमा घरबाट हटाइने भएको छ । कात्तिक १५ गते रिलिज भएको चलचित्र अहिले पनि देशभरका हलमा उच्च शो र हाउसफूल अकुपेन्सी सहित चलिरहेपनि केही हलहरुबाट भने उतार्न लागीएको हो ।
सेभेन सिस सिनेमा परिवारले विज्ञप्ति निकालेर आजदेखि २० हलबाट चलचित्र उतारिने जानकारी दिएको छ । केही सिनेमा घरहरूले चलचित्र ‘पूर्ण बहादुरको सारङ्गी’ हाउसफूल अकुपेन्सीमा प्रदर्शन भए पनि निर्माणपक्षलाई ग्रसकलेक्सन रकमको रिपोर्ट उपलब्ध गराएपनि निर्माण पक्ष उक्त रिपोर्टप्रति असहमत हुँदै उक्त हलबाट मंसिर १ गते ९शनिबार०बाट नै सिनेमा उतार्ने निर्णय गरेको निर्माण पक्षले जनाएको छ।
निर्माणपक्षले विभिन्न २० हलबाट सिनेमा उतार्ने निर्णयले दर्शकमा पर्न गएक असुविधाप्रति क्षमा मागेको छ ।साथै सिनेमा हेर्न इच्छुक दर्शकले नजिकैको अर्को हलमा गएर हेरिदिन पनि आग्रह गरेको छ ।
