कात्तिक १, गैँडाकोट । लायन्स क्लब अफ बागेश्वरी डायनामिकले कार्तिक १० गते ‘डायनामिक साँझ एवं बृहत सांस्कृतिक कार्यक्रम गर्ने भएकोे छ ।
क्यान्सर पिडित बालबालिकाका लागि सहयोगार्थ डायनामिक साँझ २०८१ गर्न लागिएको पत्रकार सम्मेलन मार्फत जानकारी गराईएको थियो ।
बिहीबार गैंडाकोट २ मा रहेको होटल ताज महल एभरेस्टमा लायन्स क्लब अफ बागेश्वरी डायनामिकका छिमेकी कल्बका प्रतिनिधिसँग अन्तरक्रिया कार्यक्रम समेत गरिएको थियो ।
‘डायनामिक साँझ एवं बृहत सांस्कृतिक कार्यक्रम २०८१’ मा अमरबिरही गुरुङ, श्याम राना , दुर्गा सापकोटा ,रेशम निर्दोष ,सपना परियार र डान्सर बन्दना बिश्वकर्मा लगायत ख्याती प्राप्त कलाकारहरुको प्रस्तुति रहने क्लबका अध्यक्ष रोशन मल्ल ठकुरीले जानकारी दिनुभयो ।
कार्यक्रम गैंडाकोट २ मा रहेको होटल ताज महल एभरेस्टमा हुने छ साथै कार्यक्रममा रु १ हजारको टिकेट तोकिएको आयोजकले जनाएको छ । कार्यक्रमको टिकेटमा खानाको व्यवस्था ,क्यान्सर पिडित बालबालिकाका लागि सहयोग र मनोरन्जन सबै समाबेश गरिएको छ ।
