भदौ १३, काठमाडौँ। सुन आज इतिहासकै सर्वाधिक महँगो भएको छ ।
नेपाल सुनचाँदी व्यवसायी महासंघका अनुसार आज (बिहीबार) सुन १ लाख ५३ हजार दुईसय रुपैयाँ कायम भएको छ। बुधबार तोलामा ८ सय रुपैयाँ बढेर सर्वाधिक महँगो बनेको सुन आज पनि बढेको हो। हिजो सुनको मूल्य १ लाख ५३ हजार १ सय रुपैयाँ थियो।
यसअघि यही भदौ ५ गते १ लाख ५३ हजार पुगेर सुन केही सस्तिएको थियो। तर फेरि बढेको छ ।
चाँदीको मूल्य भने आज घटेको छ। हिजो तोलाको एक हजार ८ सय ५५ रुपैयाँ कायम भएको चाँदीको मूल्य आज २५ रुपैयाँ घटेर एक हजार ८ सय ३० रुपैयाँ झरेको छ।
कमेन्ट :
