भाद्र ०५,गैँडाकोट । नन्दन सामूदायिक वनको नयाँ नेतृत्व चयनका लागि भएको मतदानको मतगणना कार्य चलिरहेको छ ।
गएराति बाट सुरु भएको मतगणना अहिलेपनि चलिरहेको हो । पछिल्लो मतपरिणाम अनुसार अध्यक्ष पदका उमेदवार हरिमाया अधिकारीले २९१ मत, अध्यक्ष पदका प्रत्यासी बेलप्रसाद पौडेलले २१२ मत र माधव चालिसेले १०० मत प्राप्त गर्नुभएको छ ।
त्यसैगरी उपाध्यक्षमा खुमनाथ पौडेलले ३१५ र नरजंग रानाले २७२ मत प्राप्त गर्नुभएको छ । सचिव पदमा कमला शमाले ३४७ मत ल्याउदा इश्वरी कुमालले २४७ मत प्राप्त गर्नुभएको छ । त्यसैगरी कोषाध्यक्षमा गुमादेवी शर्मा घिमिरेले २८४ मत र डिला शर्मा सुवेदीले २८३ मत प्राप्त गर्नुभएको छ । सहसचिव पदमा झलकराज शर्माले ३३० मत ल्याउदा बसुनी चपाइले २४० मत ल्याउनु भएको छ । त्यसैगरी लेखा समिति संयोजकमा माधवप्रसाद न्यौपानेले ३३१ मत प्राप्त गर्दा लक्ष्मी प्रसाद सापकोटाले २५० मत ल्याउनु भएको छ ।
यो खबर तयार पार्दासम्म पदाधिकारीहरुमा सहसचिव बाहेक अन्य पदमा एमाले, माओवादी र रास्वपा सहितको गठबन्धन अग्र स्थानमा देखिएको छ ।
