साउन २८ गैडाकोट । नन्दन सामुदायिक वन उपभोक्ता समूह गैडाकोट वार्ड नं ६ ,८ र ९ को नयाँ नेतृत्व चयन प्रक्रिया सुरु भएको छ ।
निर्वाचन कार्यतालिका अनुसार सोमबार बाट नयाँ कार्यसमितिको लागि मनोनयन दर्ता शुरु भएको मा १८ पदका लागी ५० जनाको उम्मेद्वारी दर्ता भएको छ ।
निर्वाचनको कार्यक्रम अन्तगर्त आज उम्मेद्वारको नामावली प्रकाशन भएको छ । प्रकाशित नामावली अनुसार अध्यक्ष पदमा ७ जनाको उम्मेदवारी रहेको छ जस अन्र्तगत माधव चालिसे , देवराज गिरी ,हरिमाया अधिकारी , बेलप्रसाद पौडेल , भिमलाल शर्मा , टिकाराम सुवेदी र डिलाराम सापकोटाको उम्मेद्वारी दर्ता भएको छ ।
त्यस्तै उपाध्यक्ष पदको लागि खुमनाथ पौडेल र नरजंग राना को उम्मेद्वारी दर्ता भएको छ । सचिव पदको लागि कमला शर्मा र ईश्वरी कुमाल को उम्मेद्वारी दर्ता भएको छ । कोषाध्यक्ष पदमा गुमादेवी शर्मा घिमिरे ,डिला सुवेदी शर्मा को उम्मेदवारी दर्ता भएको छ । त्यसैगरी सहसचिव पदको लागि भीमप्रसाद शर्मा ,बसुनी चपाईं र झलकराज शर्मा को उम्मेदवारी दर्ता भएको छ ।
त्यस्तै जनजाति खुल्ला एक सदस्यमा दुर्गे तामाङ र राजेन्द्रबहादुर कुमालको उम्मेदवारी दर्ता भएको छ । त्यस्तै २ जना जनजाति महिला सदस्य तर्फ लक्ष्मी लामा ,नन्दकली दर्लामी ,रश्मिता प्रदान , तुलीमाया डिस्वा मगर ,खरीमाया मगरको उम्मेदवारी दर्ता भएको छ भने दलित एक महिला सदस्य तर्फ छमकुमारी बिक , ज्ञानकुमारी दर्जी र मिना बिक को उम्मेदवारी दर्ता भएको छ ।
त्यस्तै तिन खुल्ला सदस्यमा छायादत्त सापकोटा, खगराज गौतम ,रुद्रनाथ पन्थ ,माधव पौडेल, हेम शर्मा ,चित्रबहादुर बोहरा ,टिकाराम सुवेदी ,ताराकुमारी शर्मा रामकली घिमिरे सापकोटाको उम्मेदवारी दर्ता भएको छ । त्यस्तै तिन महिला खुल्ला सदस्यतर्फ विष्णुमाया खत्री ,कौशिला खत्री, गीतादेवी सापकोटा, पार्वती शर्मा ,विष्णुदेवकोटा ,जमुनादेवी न्यौपाने, राधा अधिकारीको उम्मेदवारी दर्ता भएको छ।
त्यस्तै लेखा समिति संयोजक पदमा माधवप्रसाद न्यौपाने र लक्ष्मीदत्त सापकोटा को उम्मेदवारी दर्ता भएको छ भने एक लेखा समिति खुल्ला सदस्य पदमा मोतिप्रसाद अधिकारी , लोकनाथ सापकोटा र कृष्णकुमारी अधिकारी को उम्मेदवारी दर्ता भएको छ । त्यस्तै एक लेखा समिति महिला सदस्यमा सबिना विश्वकर्मा निर्विरोध निर्वाचित हुनुभएको छ।
