साउन ८ ,काठमाडौं । एसिसी महिला एसिया कप क्रिकेट प्रतियोगिताको समूह चरणको अन्तिम खेलमा नेपालले आज भारतसँग खेल्दैछ ।
श्रीलंकाको दाम्बुलामा नेपाली समयअनुसार बेलुकी सवा ७ बजे खेल शुरु हुनेछ । सेमिफाइनलमा पुग्न नेपाललाई आजको खेलमा भारतमाथि जित हासिल गर्नै पर्ने दबाब छ । पहिलो खेलमा यूएईलाई ६ विकेटले हराएको नेपाल दोस्रो खेलमा पाकिस्तानसँग ९ विकेटले पराजित भएको थियो ।
समूह ‘ए’ मा नेपाल र पाकिस्तानको समान २–२ अङ्क छ । भारतले २ खेल जितिसकेको छ । यूएई २ खेलमा पराजित भएको छ । पाकिस्तानले यूएईसँग खेल्न बाँकी छ ।
सन् २०१६ मा भएको एसिया कपमा नेपाल र भारतको भेट भएको थियो । उक्त खेलमा नेपाल भारतसँग ९९ रनले पराजित भएको थियो । ८ वर्षपछि नेपालले भारतसँग बदला लिने मौका पाएको छ ।
कमेन्ट :
