श्रावण २,गैडाकोट । नारायणी मावि परिसर गैडाकोटमा वृक्षारोपण कार्यक्रम सम्पन्न भएको छ ।
बुधबार हरिहर टोल विकास संस्था गैडाकोट ७ को आयोजनामा श्री नारायणी मावि परिसरमा वृक्षरोपण गरिएको छ । हरिशयनी एकादशीको अवसरमा वृक्षरोपण गरिएको टोल विकास संस्थाका अध्यक्ष होमप्रसाद सापकोटाले बताउनुभयो ।
वृक्षरोपण कार्यक्रममा विद्यालय व्यवस्थापन समितिका अध्यक्ष ईश्वरीप्रसाद चापागाईं,सदस्यहरू पुनम वि.क, पार्वती सापकोटा, गोविन्द रिमाल तथा शिक्षक अभिभावक संघका अध्यक्ष हरिप्रसाद सापकोटाको उपस्थिति रहेको थियो । कार्यक्रममा सामाजिक अभियन्ता करूणासागर सुवेदी, भानुभक्त सापकोटा, प्रकाश पौडेल, हरिहर मन्दिरका अध्यक्ष डिलाराम सापकोटा, हरिहर टोल समितिा कोषाध्यक्ष सपना शर्मा पौडेल, सदस्यहरू जमुना घिमिरे, अर्जुन लामिछाने, जमुना भण्डारी र जमुना कँडेल एवम् पीपलटार टोल विकास संस्थाका अध्यक्ष बाबुराम चापागाईँलगायत विद्यालयका सहायक प्रअ लालचन्द्र सुवेदी तथा शिक्षक, कर्मचारीको उपस्थिति रहेको थियो ।
वृक्षरोपण गरिएका विरूवाहरूमा धुपी, गोलमोहर, म्याग्गोस्टिक, हर्रो, बर्रो र अमला जातका रहेका र त्यसलाई व्यवस्थित तवरले लगाइएको जानकारी विद्यालयका अध्यक्ष चापागाईंले जानकारी दिनुभयो ।
