असार २२,गैडाकोट। लगातार परेको अविरल वर्षाका कारण शनिबार बिहानदेखि नारायणी नदीमा निरन्तर बाढी बढिरहेकोले सतर्कता अपनाउन आग्रह गरिएको छ ।
जल मापन केन्द्र देवघाटले शनिबार बिहान दिएको जानकारी अनुसार १०ः ४० बजे गरिएको मापनमा पानीको सतह सात मिटर ३९ सेन्टीमिटर पुगेको जनाएको छ । सात मिटर ३० सेन्टिमिटर भन्दा माथिको सतहलाई सचेत तहको रुपमा मानिन्छ । नौ मिटरभन्दा माथिलाई खतराको तह पार गरेको मानिन्छ ।
जल मापन केन्द्रले दिएको जानकारीलाई आधार मान्दै नारायणी नदी किनारका बस्तीका बासिन्दालाई सचेत रहन नवलपरासी (बर्दघाट सुस्ता पूर्व)का प्रमुख जिल्ला अधिकारी अरुण पोखरेलले आग्रह गर्नु भएको छ ।
कमेन्ट :
