फागुन ०२,गैँडाकोट । गैँडाकोट २ नव जागरण रंगशालामा जारी तेस्रो (वडा स्तरीय) गैँडाकोट मेयर कप टि–ट्वान्टी क्रिकेट प्रतियोगिताको सेमी फाइनलमा प्रवेश गरेको छ । दोस्रो चरणको पहिलो खेलमा गैँडाकोट ३ लाई ११५ रनले पराजित गर्दै गैँडाकोट २ सेमी फाइनलमा प्रवेश गरेको आयोजक नवजागरण ग्रामीण विकास केन्द्रका अध्यक्ष रामचन्द्र सापकोटाले जानकारी दिनुभयो ।
यसअघि आजै भएको पहिलो खेलमा गैँडाकोट १४ लाई ४ विकेटले पराजित गर्दै गैँडाकोट ७ दोस्रो चरणमा प्रवेश गरेको छ । भोलीको पहिलो खेलमा गैँडाकोट १ र गैँडाकोट १६ बीच बिहान १० बजेपछि हुनेछ । त्यस्तै दोस्रो खेलमा गैँडाकोट ८ र गैँडाकोट ४ बीच १ बजेपछि खेल हुने उहाँले बताउनुभयो ।
प्रतियोगिताको प्रथम पुरस्कार ५१ हजार र द्वितीय पुरस्कार ३१ हजार रुपैयाँ रहेको छ । त्यस्तै म्यान अफ द म्याच, म्यान अफ द सिरिज, बेष्ट ब्याटसम्यान, बेष्ट बलर, बेष्ट विकेट किपरलाई पुरस्कृत गरिने छ । शनिबारदेखी सुरु भएको प्रतियोगिता फागुन ६ गतेसम्म चल्ने छ ।
कमेन्ट :
