वैशाख १४ काठमाडौँ। आइसिसी विश्वकप लिग–२ क्रिकेटअन्तर्गत आज भएको खेलमा संयुक्त अरब इमिरेट्स (युएई) विजयी भएको छ । कीर्तिपुरस्थित त्रिवि मैदानमा भएको खेलमा युएईले ओमानलाई २५ रनले हराएको हो । युएईले ओमानलाई जितका लागि दुई सय ६९ रनको बलियो लक्ष्य दिएको थियो ।
जवाफमा ओमानले ४७.५ ओभरमा दुई सय ४३ रनमा समेटियो । ओमानका लागि विनायक शुक्लाले अविजित ५८ र कप्तान जतिन्दर सिंहले ४६ रन बनाउनुभयो ।बलिङमा युएईका अजय कुमारले ६ विकेट लिनुभयो । उहाँले ९.५ ओभर बलिङ गर्दै ३५ रनमात्र खर्चिनुभयो । हैदर अलीले एक विकेट लिनुभयो ।
यसअघि पहिले ब्याटिङ गरेको युएईले निर्धारित ५० ओभरमा सात विकेटको क्षतिमा दुई सय ६८ रनको योगफल बनाएको थियो ।
