साउन १० ,काठमाडौँ । स्थानीय बजारमा बिहिवार सुनको मूल्य तोलामा रु. दुई हजार चार सयले घटेको छ ।
बुधबार प्रतितोला रु. एक लाख ४७ हजार चार सयमा कारोबार भएको छापावाला सुन बिहिवारका लागि रु. एक लाख ४५ हजार निर्धारण भएको छ ।
यस्तै, बुधबार प्रतितोला रु. एक लाख ४६ हजार सात सयमा कारोबार भएको तेजाबी सुन बिहिवारका लागि रु. एक लाख ४४ हजार तीन सय निर्धारण भएको छ ।
यस्तै, चाँदीको मूल्य प्रतितोला रु. ५५ ले घटेको छ । बुधबार प्रतितोला रु. एक हजार आठ सय पाँचमा कारोबार भएको चाँदीको मूल्य बिहिवारका लागि भने एक हजार सात सय ५० निर्धारण भएको छ ।
