साउन ९,काठमाडौँ । सौर्य एयरलाइन्सको जहाज दुर्घटनालगत्तै गृहमन्त्री रमेश लेखक घटनास्थल पुग्नुभएकाे छ ।
काठमाडाैंबाट पोखराका लागि उडेको सौर्य एयरलाइन्सको जहाज बुधबार बिहान करिब ११ बजेतिर दुर्घटना भएको हो । यस्तै जहाजमा १९ जना सवार रहेको जनाइएकाे छ ।
जहाज उड्नेबित्तिकै विमानस्थलको धावनमार्गबाट उत्तरपूर्वतर्फ पर्ने केही नजिकको क्षेत्रमा दुर्घटनाग्रस्त भएको हो ।
त्रिभुवन विमानस्थलमा दुर्घटनामा परेको जहाजमा सवार १८ जनाको शव निकालिएको छ ।
विमानमा सवार १८ जनाको शव यत्रतत्र छरिएर रहेका अवस्थामा सङ्कलन गरिएको विमानस्थल सुरक्षार्थ खटिएका वरिष्ठ प्रहरी उपरीक्षक डम्बर विकले जानकारी दिए । सङ्कलित शव अहिले त्रिभुवन विश्वविद्यालय शिक्षण अस्पतालमा लैजाने तयारी भैरहेको छ । प्रहरी उपरीक्षक विकका अनुसार विमानका चालक मनिष शाक्यको जीवितै उद्धार गरिएको छ ।
