गैँडाकोट । भोटेकोशी नदीमा आएको बाढीबाट प्रभावित समुदायको राहत तथा उद्धारका लागि सामुदायिक बन उपभोक्ता महासंघ नेपाल स्थानीय महासंघ गैँडाकोटले आर्थिक सहयोग गरेको छ।
महासंघले प्रधानमन्त्री दैवी प्रकोप उद्धार कोषमा २१ हजार १ सय ११ रुपैयाँ सहयोग गरेको हो। बाढीबाट प्रभावित नागरिकलाई राहत पु¥याउने उद्देश्यले उक्त रकम सहयोग गरिएको महासंघले जनाएको छ।
सामुदायिक वन उपभोक्ता महासंघ स्थानीय महासंघ गैँडाकोटकी अध्यक्ष निर्मला कँडेलले विपद्को समयमा पीडित नागरिकको साथमा उभिनु सामाजिक संस्थाहरूको दायित्व भएको बताउनुभयो । उहाँले भन्नुभयो, “भोटेकोशी बाढीबाट प्रभावित परिवारको पीडामा हाम्रो सानो सहयोगले पनि केही राहत पुग्ने विश्वास लिएका छौँ। विपद्को समयमा सबैले आफ्नो क्षमता र सामथ्र्यअनुसार सहयोग गर्न आवश्यक छ।”
अध्यक्ष कँडेलले राहत र पुनःस्थापनाका लागि अझै सहयोग आवश्यक रहेकाले सामाजिक संघसंस्था तथा समुदायलाई मानवीय भावनाका साथ सहयोगमा जुट्न आग्रह गर्नुभयो ।
महासंघको सहयोगले विपद्को समयमा सामुदायिक वन क्षेत्रसँग जोडिएका संस्थाहरूले समेत सामाजिक उत्तरदायित्व निर्वाह गर्दै प्रभावित नागरिकप्रति ऐक्यबद्धता जनाएका छन्।
