असोज १७,दाउन्ने ,शनिबार ।
पूर्वी नवलपरासीको दाउन्नेमा ब्रेक फेल भएर यात्रुवाहक बस सडकबाट नालामा पल्टिँदा एक महिलासहित ६ जनाको मृत्यु भएको छ भने १० जना घाइते भएका छन्।
शनिबार बिहान नेपालगन्जबाट काठमाडौं आउँदै गरेको प्रदेश ३–०१–००६ ख १५५३ नम्बरको रात्रिबस ब्रेक फेल भएर अनियन्त्रित भई दुर्घटनामा परेको प्रारम्भिक अनुसन्धानबाट खुलेको प्रहरीले जनाएको छ। दुर्घटनापछि प्रहरीले बसमा च्यापिएका यात्रुसहित घाइतेहरूको उद्धार गरी उपचारका लागि मध्यबिन्दु प्रादेशिक अस्पताल, डण्डा पुर्याएको थियो ।
घाइतेहरू बाँके, गोरखा, अछाम, बर्दिया, बाजुरा, ललितपुर र सल्यानका रहेको प्रहरीले जनाएको छ। अधिकांश घाइतेको अवस्था सामान्य तथा मध्यम रहेको छ। दुर्घटनाबारे थप अनुसन्धान भइरहेको प्रहरीले जनाएको छ।
