पौष १७ गैडाकोट । पिडिजी स्पाउस फोरमले आज गैडाकोट ३ नवलपुरमा निःशुल्क नेत्र परिक्षण शिबिर सम्पन्न गरेको छ ।
फोरमले भरतपुर आँखा अस्पताल भरतपुरको प्राबिधिक सहयोगमा श्री जनता आधारभुत बिद्यालय गैडाकोट नगरपालिका वडा नं ३, गडाम्दीमा अध्ययनरत बिद्यार्थी, अभिभावक र त्यहाँ कार्यरत शिक्षक शिक्षिका गरी १०५ जनााको आँखा परिक्षण गर्नुका साथै उनीहरुलाई आवश्यक औषधी र चश्मा समेत प्रदान गरेको छ ।
पिडिजी स्पाउस फोरम लायन्स क्लब अन्तराष्ट्रिय ३२५ मल्टिपल डिष्ट्रिकका गर्भनरहरुका श्रीमतीहरुको सस्था हो । फोरमको स्थापना केहि महिना अगाडी भएको थियो । फोरमले लायन्स क्लब अन्तराष्ट्रियको मर्म अनुसार नेपालमा बिबिध कार्यक्रम गर्ने लक्ष्य लिएको छ ।
नेत्र परिक्षण शिबिरको प्रमुख अतिथि लायन्स क्लब अन्तराष्ट्रिय डिष्ट्रिक ३२५ आरका गर्भनर दिनानाथ न्यौपाने हुनुहुन्थ्यो । कार्यक्रममा लायन्स क्लब अन्तराष्ट्रिय डिष्ट्रिक ३२५ आरका प्रथम भाईस गर्भनर नवराज सापकोटा, द्धितिय भाईस गर्भनर प्रभाार पण्डित, पिडिजी स्पाउस फोरमका सल्लहाकार राजकुमार श्रेष्ठ, पुर्व डिष्ट्रिक गर्भनर सिद्धार्थलाल चुके, रामप्रसाद भट्ट लगायतका लायनहरुको उपस्थिती रहेको थियो ।
नेत्र सम्बन्धि बिबिध सेवाहरु प्रदान गरिएको कार्यक्रमको सञ्चालन पिडिजी स्पाउस फोरमकी सचिब रचना चुकेले गर्नुभएको थियो । कार्यक्रमको जानकारी एवं स्वागत मन्तब्य लायन सुधा जोशीले गराउनु भएको कार्यक्रम पिडिजी स्पाउस फोरम फोरमकी अध्यक्ष दुर्गा लक्ष्मी श्रेष्ठको सभापतित्वमा सम्पन्न भएको थियो ।
कमेन्ट :
