गैँडाकोट। नवलपुरको गैँडाकोटमा जारी अन्तर वडा महिला तथा पुरुष फुटबल प्रतियोगितामा क्वाटरफाइनलका खेलहरु भएका छन् ।
शनिबार क्वाटरफाइनलको अन्तिम खेलमा गैंडाकोट वडा नं. ७ र गैंडाकोट वडा नं. ५ बीच प्रतिस्पर्धा भएको थियो। अत्यन्तै रोचक र प्रतिस्पर्धात्मक खेलमा वडा नं. ७ ले ३- ० गोल अन्तरले शानदार प्रदर्शन गर्दै जित हात गरेको प्रतियोगिताका खेल संयोजक प्रशान्त रेग्मीले जानकारी दिनुभयो । वडा नं. ७ को तर्फ बाट योग गुरुङ (जर्सी नं. ७)ले १ गोल र विवश नेपालीले १ गोल गर्नुभयो। वडा नं. ७ ले विपक्षी टोलीबाट १ गोल आत्मघाती गोल पाएको थियो । खेलमा उत्कृष्ट प्रदर्शन गर्नुभएका गैंडाकोट वडा नं. ७ का खेलाडी योग गुरुङ ‘प्लेयर अफ द म्याच’ घोषित हुनुभयो ।
गैँडाकोट–९ स्थित नवजागरण खेलकुद मैदानमा जारी प्रतियोगिता गैँडाकोट फुटबल क्लबको आयोजनामा भइरहेको छ । प्रतियोगिताको फाइनल खेल माघ ५ गते हुने जनाइएको छ ।
