spot_img

Thursday, July 18, 2024

नेकपा (एमाले) संसदीय दलको बैठक आइतबार बिहान १० बजे बस्ने

असार २२,काठमाडौं । नेकपा (एमाले)ले संसदीय दलको बैठक बोलाएको छ । आइतबार बिहान १० बजे बस्नेगरी संसदीय दलको बैठक बोलाइएको प्रमुख सचेतक महेश बर्तौलाले जानकारी दिए।

बैठक संघीय संसद भवनको ल्होत्से हलमा बस्नेछ। बैठकमा पछिल्लो राजनीति परिस्थितिबारे छलफल हुने बर्तौलाले जानकारी दिए।

एमालेले कांग्रेससँग सहकार्य गरी सरकार बनाउने सहमति जुटेसँगै मन्त्रीहरूलाई फिर्ता बोलाएर सरकारलाई दिएको समर्थन फिर्ता गरिसकेको छ। एमालेले सरकारलाई दिएको समर्थन फिर्ता लिएपछि प्रधानमन्त्री प्रचण्डले राजीनामा नगरी असार २८ गते संसदबाट विश्वासको मत लिने बताईसकेका छन्।

एमाले र कांग्रेस एकातिर हुँदा प्रधानमन्त्रीले विश्वासको मत पाउने सम्भावना नरहे पनि उनले यो प्रक्रियामा जाने निर्णय गरेका छन् । यी सबै विषय र पछिल्लो राजनीतिक परिस्थितिबारे एमालेले बैठकमा छलफल गर्नेछ।

प्रतिक्रिया दिनुहोस

एक उत्तर छोड्न

कृपया आफ्नो टिप्पणी प्रविष्ट गर्नुहोस्!
कृपया आफ्नो नाम यहाँ प्रविष्ट गर्नुहोस्

ताजा प्रकासित

norefer

सम्बन्धित समाचार