spot_img

Thursday, July 18, 2024

नेपाल पत्रकार महासङ्घको निर्वाचन कार्यतालिका सार्वजनिक

असार ७, काठमाडौँ । नेपाल पत्रकार महासङ्घले आफ्नो निर्वाचन कार्यतालिका सार्वजनिक गरेको छ । असार १३ गते उम्मेदवारी र २२ गते मतदान गर्नेगरी महाधिवेशनको निर्वाचन कार्यतालिका महासंघले सार्वजनिक गरेको हो ।

महासङ्घको केन्द्रीय निर्वाचन समितिले आज निर्वाचन कार्यतालिका प्रकाशन गरेसँगै पत्रकारलाई चुनाव लागेको छ । निर्वाचन कार्यतालिकाअनुसार यही असार २२ गते बिहान ९ बजेदेखि साँझ ५ बजेसम्म मतदानका लागि समय तय गरिएको छ ।

उम्मेदवारको मनोनयन दर्ता असार १३ गते र उम्मेदवारको नामावली प्रकाशन पनि सोही दिन गरिने उल्लेख छ । उम्मेदवारको अन्तिम नामावली असार १५ गते प्रकाशन गरिने जनाइएको छ ।

यस्तै, उम्मेदवारको नामावलीउपरको दाबी विरोध असार १३ गतेदेखि असार १५ गतेसम्म गर्ने तय गरिएको छ । असार १० गतेसम्म मतदाता नामावलीउपर दावी विरोधको समय निर्धारण गरिएको छ । असार १२ गते अन्तिम मतदाता नामावली प्रकाशन गरिने निर्वाचन समितिले जनाएको छ ।

प्रतिक्रिया दिनुहोस

एक उत्तर छोड्न

कृपया आफ्नो टिप्पणी प्रविष्ट गर्नुहोस्!
कृपया आफ्नो नाम यहाँ प्रविष्ट गर्नुहोस्

ताजा प्रकासित

norefer

सम्बन्धित समाचार