spot_img

Monday, June 17, 2024

आईसीसी टी–२० विश्वकप २०२४ : दक्षिण अफ्रिकाले नेदरल्यान्ड्सलाई ४ विकेटले  हरायो

 जेठ २७, काठमाडौं ।आईसीसी टी–२० विश्वकप २०२४ मा दक्षिण अफ्रिकाले नेदरल्यान्ड्सलाई ४ विकेटले   पराजित गरेको छ । यो सँगै समूह डी मा दक्षिण अफ्रिकाले लगातार दोस्रो जितका साथ शीर्ष स्थानमा रहँदै सुपर–८ को सम्भावना मजबुत बनाएको छ ।

१०४ रनको लक्ष्य दक्षिण अफ्रिकाले १८.५ ओभरमा ६ विकेट गुमाउँदै पूरा गर्यो । डेविड मिलर ५१ बलमा ३ चौका र ४ छक्कासहित सर्वाधिक ५९ रनमा नट आउट रहे । ट्रिस्टन स्टब्स ३७ बलमा १ चौका र १ छक्कासहित ३३ रन बनाए ।

नेदरल्यान्ड्सका भिभियन किंग्मा र लोगन भान बिकले २–२ विकेट लिए । बास डि लिडे १ विकेट लिए ।

त्यसअघि नासा काउन्टी इन्टरनेशल क्रिकेट स्टेडियम न्यूयोर्कमा टस हारेर पहिला ब्याटिङको निम्तो पाएको नेदरल्यान्ड्सले २० ओभरमा ९ विकेट गुमाउदै १०३ रन बनाएको थियो । साइब्राण्ड एंगलब्रेक्सले ४५ बलमा २ चौका र १ छक्कासहित ४० र लोगन भान बिकले २३ रन बनाए ।

तीव्र गतिका बलर ओट्निल ब्राटम्यानले ४ ओभरमा ११ रन खर्चेर ४ विकेट लिए । एनरिच नोर्कियाले ४ ओभरमा १९ रन खर्चेर २ विकेट लिए । मार्को यानसनले ४ ओभरमा २० रन खर्चेर २ विकेट लिए ।

दक्षिण अफ्रिकाले पहिलो खेलमा श्रीलंकालाई ६ विकेटले हराएको थियो । दक्षिण अफ्रिकाले अव तेस्रो खेल सोमबार बंगलादेश र १५ जुनमा नेपालसँग खेल्नेछ । उता नेदरल्यान्ड्सले पहिलो खेलमा नेपाललाई ६ विकेटले हराएको थियो । नेदरल्यान्ड्सले १३ जुनमा बंगलादेश र १७ जुनमा श्रीलंकासँग खेल्नेछ ।

प्रतिक्रिया दिनुहोस

एक उत्तर छोड्न

कृपया आफ्नो टिप्पणी प्रविष्ट गर्नुहोस्!
कृपया आफ्नो नाम यहाँ प्रविष्ट गर्नुहोस्

ताजा प्रकासित

norefer

सम्बन्धित समाचार