spot_img

Monday, June 17, 2024

मुलुकको समृद्धिका लागि सरकारले कृषि, ऊर्जा र सूचना प्रविधिलाई प्राथमिकतामा राखेको हो- सञ्चारमन्त्री रेखा शर्मा

जेठ २६, काठमाडौँ । सञ्चार तथा सूचना प्रविधिमन्त्री रेखा शर्माले मुलुकको समृद्धिका लागि सरकारले कृषि, ऊर्जा र सूचना प्रविधिलाई प्राथमिकता दिएको बताउनुभएको छ।

शनिबार काठमाडौँमा आयोजित सामाजिक अभियन्ताको राष्ट्रिय भेलालाई सम्बोधन गर्नुहुँदै मन्त्री शर्माले यस्तो बताउनुभएको हो। मन्त्री शर्माले भन्नुभयो, ‘‘अहिले समृद्धिको योजनामा हाम्रो बेस कृषि हो। कृषिका कार्यक्रम कसरी चलाउने ? हामीले उत्पादनमा ध्यान दिनुपर्छ। त्यसपछि हामीले हस्तक्षेपकारी आयोजना भनेर ऊर्जा भनेका छौँ।

ऊर्जाको उत्पादन वृद्धि गरेर देशलाई कसरी समृद्ध बनाउन सकिन्छ भनेर त्यसतर्फ केन्द्रित हुनुपर्छ। सरकारले तेस्रो हस्तक्षेपकारी योजनामा सूचना र प्रविधिलाई अगाडि सारेको छ।’’

मन्त्री शर्माले राष्ट्र र जनताको हितमा हुनेगरी मात्रै वैदेशिक सहायता भित्र्याउन सामाजिक सङ्घ, संस्थालाई सचेत गराउनुभयो। मन्त्री शर्माले उत्पादन वृद्धिमा जोड दिएर सरकारले बजेट ल्याएको दाबी गर्नुभयो। उहाँले उत्पादन वृद्धि हुनेगरी सहायता रकम परिचालन गर्न सामाजिक सङ्घ, संस्थालाई निर्देशन दिनुभएको छ।

 

प्रतिक्रिया दिनुहोस

एक उत्तर छोड्न

कृपया आफ्नो टिप्पणी प्रविष्ट गर्नुहोस्!
कृपया आफ्नो नाम यहाँ प्रविष्ट गर्नुहोस्

ताजा प्रकासित

norefer

सम्बन्धित समाचार