spot_img

Monday, June 17, 2024

नेपालले नेदरल्यान्ड्सलाई दियो १०७ रनको लक्ष्य

 जेठ २२,काठमाडौं। आईसिसी टी–२० विश्वकपमा नेपालले नेदरल्यान्ड्सलाई १०७ रनको लक्ष्य दिएको छ। टस हारेर पहिला ब्याटिङ गरेको नेपालले सबै विकेट गुमाउँदै १९.२ ओभरमा १०६ रन बनाएको हो।

नेपालका लागि कप्तान रोहितकुमार पौडेलले सर्वाधिक ३५ रन बनाउनुभयो। ३७ बलको सामना गर्दै पौडेलले ५ चौका प्रहार गर्नुभयो। नेपालले ओपनर कुशल भुर्तेललाई ७ र आशिफ शेखलाई ४ रनमै गुमाएको थियो। अनिल शाह १२ बलमा ११ रन जोड्दै आउट हुनुभयो। कुशल मल्ल ९ बलमा ९ रन बनाएर आउट हुँदा दीपेन्द्रसिंह ऐरीले ६ बलको सामना गर्दै मात्र १ रन मात्र जोड्नुभयो।

करन केसीले १२ बलमा १७ तथा गुल्सन झाले १५ बलमा १४ रनको योगदान दिनुभयो। नेपालका लागि करणले दुई र गुल्सनले एक छक्का प्रहार गर्नुभयो।

नेदरल्यान्ड्सका लागि टिम प्रिंगल र लोगन भान विकले तीनतीन विकेट लिनुभयो भने पाउल भान मेकरेन र बास डे लिडेले दुईदुई विकेट हात पार्नुभयो। अहिले नेदरल्यान्ड्सले जवाफी ब्याटिङ गर्दैछ।

प्रतिक्रिया दिनुहोस

एक उत्तर छोड्न

कृपया आफ्नो टिप्पणी प्रविष्ट गर्नुहोस्!
कृपया आफ्नो नाम यहाँ प्रविष्ट गर्नुहोस्

ताजा प्रकासित

norefer

सम्बन्धित समाचार