spot_img

Monday, June 17, 2024

7A side पुरुष फुटबल प्रतियोगिता गैंडाकोटमा सुरु / उद्घाटन खेलमा योङ्ग ब्वाईज क्लब बिजयी
7

जेठ २२, गैंडाकोट (नबिन सुबेदी)। लागू औषध दुर्वेशनी न्यूनीकरण अभियान नाराका साथ 7A side पुरुष फुटबल प्रतियोगिता गैंडाकोटमा सुरु भएको छ।

शिवनगर युवा क्लबको आयोजनामा मङ्गलबार देखि भाग्योदय खेलमैदान गैंडाकोट ६ मा संचालित प्रतियोगिताको प्रमुख अतिथि गैंडाकोट खेलकुद समितिका अध्यक्ष लक्ष्मण कार्कीले रेफ्रीलाई फुटबल हस्तान्तरण गरेर प्रतियोगिताको उद्घाटन गर्नुभएको थियो। ।

प्रतियोगिताको उद्घाटन गर्दै अध्यक्ष कार्कीले खेलकुदले अनुशासन सिकाउँछ र स्वास्थ्य हुन पनि सिकाउँछ, त्यसैले हामीले सधैँ खेलकुदमा ध्यान दिनुपर्ने बताउनु भयो। मानव स्वास्थ्यको अभिन्न अंग खेलकुद सिङ्गो राष्ट्रको पहिचान भएको उहाँले बताउनु भयो । राष्ट्रलाई अन्तरास्ट्रियस्तरमा स्थापित गराउने एक दरिलो माध्यम खेलकुद मात्र भएकाले दक्ष खेलाडी उत्पादनमा यस्ता किसिमको प्रतियोगिताले अहम भूमिका खेल्ने उहाँको भनाई थियो ।

यसैबिच प्रतियोगिताको उद्घाटन खेलमा आयोजक शिवनगर युवा क्लबलाई ८ – ० गोल अन्तरले पराजित गर्दै योङ्ग ब्वाईज क्लब बिजयी भएको छ।

कार्यक्रममा गैडाकोट नगरपालिकाका वडा नम्बर ६ का वडाअध्यक्ष सुभास चापागाई, वडा सदस्य चन्द्र बहादुर बिश्वकर्मा , सहयोगि दाता, समाजसेबी ब्यक्तीत्व लगायत खेलाडी तथा खेलप्रेमीहरुको उल्लेख्य उपस्थिती रहेको थियो ।

प्रतियोगिताका विजेता, र उपविजेता टिमलाई क्रमशः रु साठि हजार र तिस हजार नगद पुरस्कार सहित ट्रफी, मेडलका साथमा प्रमाणपत्र प्रदान गरिने शिवनगर युवा क्लबका अध्यक्ष सुदिप सापकोटाले जानकारि दिनुभयो ।

यहि जेठ २२ देखि सञ्चालन भएको पुरुष फुटबल प्रतियोगिता चितवन ,गोरखा र नवलपुरका गरी जम्मा १२ वटा टिमको सहभागिता रहेको कार्यक्रम संयोजक सागर परियारले जानकारी दिनुभयो ।

प्रतिक्रिया दिनुहोस

एक उत्तर छोड्न

कृपया आफ्नो टिप्पणी प्रविष्ट गर्नुहोस्!
कृपया आफ्नो नाम यहाँ प्रविष्ट गर्नुहोस्

ताजा प्रकासित

norefer

सम्बन्धित समाचार