जेठ १८,कास्की । गण्डकीका मुख्य न्यायाधिवक्तामा चिरञ्जीवी शर्मा नियुक्त हुनुभएको छ । बेनी नगरपालिकाका १० का स्थायी बासिन्दा शर्मा २०४८ देखि कानुन व्यवसायमा आबद्ध हुनुहुन्छ ।
शिक्षण पेसामा समेत आबद्ध रहनुभएको शर्मा गएको स्थानीय तहको निर्वाचनमा नेपाली कांग्रेसबाट मेयर पदको उम्मेदवार हुनुहुन्थ्यो । उहाँ म्याग्दी जिल्ला बारका पूर्व अध्यक्ष हुनुहुन्छ ।
उहाँ यसअघि पनि सुरेन्द्रराज पाण्डे नेतृत्वको सरकारमा मुख्य न्यायाधिवक्ता हुनुभयो । शर्मा गण्डकीका छैटौँ मुख्य न्यायाधिवक्ता हुनुहुन्छ ।
