फागुन ५, गैँडाकोट । नव जागरण रंगशाला गैँडाकोट ९ मा जारी तेस्रो (वडा स्तरीय) गैँडाकोट मेयर कप टि–ट्वान्टी क्रिकेट प्रतियोगिताको उपाधिका लागि गैँडाकोट ४ र ७ भिड्ने भएका छन् ।
प्रतियोतिगता अन्तर्गत शनिबार भएको खेलमा गैँडाकोट १ लाई ६ विकेटले पराजित गर्दै गैँडाकोट ७ ले उपाधि भिडन्त पक्का गरेको हो । गैँडाकोट ४ ले यसअघि गैँडाकोट २ लाई पराजित गर्दै फाइनल यात्रा तय गरेको थियो । फाइनल खेल फागुन ७ गते १२ बजे विविध संस्कृतिक कार्यक्रम सहित हुने आयोजक नवजागरण ग्रामीण विकास केन्द्रका अध्यक्ष रामचन्द्र सापकोटाले जानकारी दिनुभयो ।
प्रतियोगिताको प्रथम पुरस्कार ५१ हजार र द्वितीय पुरस्कार ३१ हजार रुपैयाँ रहेको छ । त्यस्तै म्यान अफ द म्याच, म्यान अफ द सिरिज, बेष्ट ब्याटसम्यान, बेष्ट बलर, बेष्ट विकेट किपरलाई पुरस्कृत गरिने छ ।
